من ياهي اعذرك وانت ما معذور
سيفك هد عليه بساعه الشده
حسبتك تحبني وجبت بيدي الروح
بعدها ابنص اديه وكمت تتعده
ردت مره اجربك وانتخيك بيوم
على كلبي انتخيتك بلكن اترده
مرات التحبه تشوف منه اشكال
وتخلقله اﻻعذار ادكول مو قصده
وتصد كل الحجي والنصح من الناس
وتتحمل ذنوبه وكل خطأ العنده
لبسه يفاجئك يلبس جلد ثعبان
ومفصل عليه وجايبه ابكده
ما نادم عليك الراح خل يروح
ولك صارت قديمه الماي وتبده
بس نادم عليه اشلون اصدك بيك
ونادم ما اخذت العبره من وحده
وهن اهواي صارن ما تبت عالصار
يا كلبي شيتوبك كافي واتهده
غيمه من الدمع يزرعها وسط العين
وانت ورود عمره وتزرع بخده